Adliya vazirligining masʼul xodimlari va Qurilish vazirligining yuridik boʻlimi bilan hamkorlikda ishtirokida onlayn seminar tashkil etildi.
⚡️“Davlat organlari va tashkilotlariga yuridik xizmat koʻrsatish faoliyatini yanada takomillashtirish chora-tadbirlari toʻgʻrisida”gi PQ–5168-son qaror ijrosini taʼminlash maqsadida Adliya vazirligining masʼul xodimlari va Qurilish vazirligining yuridik boʻlimi bilan hamkorlikda Qoraqalpogʻiston Respublikasi Qurilish vazirligi, viloyatlar va Toshkent shahar qurilish bosh boshqarma masʼul xodimlari ishtirokida onlayn seminar tashkil etildi.
Unda Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari huzuridagi Yuridik xizmat koʻrsatish markazlarining maqomi, asosiy vazifalari hamda funksiyalari, huquq va majburiyatlari, javobgarligi, shuningdek, faoliyatini tashkil etish tartibi hamda “E-huquqshunos” elektron tizimi haqida maʼlumot berildi.
