Aholi punktlari bosh rejalarining jamoatchilik muhokamasi qay tartibda o‘tkaziladi?
❗️Jamoatchilik muhokamasining o‘tkazilish tartibi muhokama boshlanishidan o‘n kun avval uning muddatlari va tartibi bilan aholi punktining bosh rejasi to‘g‘risidagi axborotni taqdim etgan holda tanishtiriladi. Ya’ni ommaviy axborot vositalarida va maxsus vakolatli davlat organining internet tarmog‘idagi rasmiy veb-saytida tegishli e’lonlar beriladi, korxona, muassasa va tashkilotlarning binolarida, jamoat joylarida, tahmin qilinayotgan qurilish maydonchasi hududida bannerlar, plakatlar va tashqi reklama vositalari o‘rnatiladi hamda ekspozitsiyalar tashkil etiladi.
🔎 Aholi punkti bosh rejasining jamoatchilik muhokamasini o‘tkazish davomiyligi kamida o‘n besh kundan iborat bo‘lishi kerak.
🗂 Bildirilgan mulohazalar so‘rovnomalar, audiovideoyozuv, kelishib olish varaqasi, ishtirokchilarning yozma takliflari, jamoatchilik muhokamasi yig‘ilishining bayonnomasi shaklida qabul qilinadi.
📣 Shundan so‘ng jamoatchilik muhokamasi yakunlari bo‘yicha xulosa muhokama yakunlanganidan keyin o‘n besh kun ichida jamoatchilik nazorati subyektlari tomonidan ommaviy axborot vositalarida va maxsus vakolatli davlat organining internet tarmog‘idagi rasmiy veb-saytida e’lon qilinadi.
‼️Aholi punktlarining bosh rejalari jamoatchilik muhokamasi natijalari hisobga olingan holda tasdiqlanadi.