Hududlardan xabarlar
✅Prezidentimizning 2019-yildagi “Qurilish sohasiga axborot-kommunikatsiya texnologiyalarini keng joriy etish chora-tadbirlari toʻgʻrisida”gi Qaroriga asosan qurilish vazirligi faoliyatida “Shaffof qurilish” milliy axborot tizimini joriy etildi.
➡️Namangan viloyati qurilish sohasida nazorat inspeksiyasi inspektorlari tomonidan texnik nazoratchi, mualliflik nazorati, ichki nazorat va prorab xodimlariga milliy axborot tizimi faoliyatiga oid oʻn besh kunlik oʻquv-amaliy seminarlar tashkil etildi.
🔴Tinglovchilarga avtomatlashtirilgan axborot tizimi, axborot resurslari va maʼlumotlar bazalarini yaratish, rivojlantirish hamda qoʻllab-quvvatlash, qurilish sohasida axborot xavfsizligini taʼminlash, qurilish jarayonini monitoring qilish, “Korrupsiyasiz soha” loyihasini amalga oshirish va shaffoflikni taʼminlash boʻyicha tushuntirishlar berildi.
🟢Seminar yakunida tinglovchilar oʻzlarini qiziqtirgan savollarga mutaxassislardan batafsil javob olishdi.
