Matbuot anjumanidan
⚡️Ipoteka dasturi asosida joriy yilda 207 ta massivda 1 ming 75 ta koʻp qavatli uylar qurilishi olib borilmoqda. Jami xonadonlar soni – 45,5 mingta.
Jumladan:
– “Qishloq qurilish invest” kompaniyasi ishtirokida qishloq joylarda 11,3 mingta kvartirali;
– “Shahar qurilish invest” kompaniyasi ishtirokida fuqarolarning alohida toifalari uchun 3,5 mingta kvartirali;
– yangi tartib doirasida tadbirkorlik subyektlari tomonidan 30,6 mingta kvartirali uylar qurilmoqda.
Shuningdek, 6274-sonli Farmonga asosan Dasturga qoʻshimcha ravishda:
– yangi tartib asosida 4 ta hududda – Andijon, Buxoro, Samarqand, Surxondaryoda 2 ming kvartirali 49 ta uylar;
– Osiyo taraqqiyot banki mablagʻlari hisobiga “Qishloq qurilish invest” ishtirokida 2 ming 900 kvartirali 138 ta uylar ham qurilmoqda.
Bugungi kunga qadar 4 ming 428 ta xonadonli uylar yakunlanib, foydalanishga topshirildi.
⚡️Uylarning qurilish-montaj ishlari sifati yuzasidan Qurilish sohasida nazorat inspeksiyalari tomonidan nazorat oʻrnatilgan.
Hududiy inspeksiyalar tomonidan mazkur obyektlarda jami 4 074 marta nazorat ishlari amalga oshirilgan.
Qurilishda aniqlangan kamchiliklarni bartaraf etish boʻyicha jami 2 880 ta yozma koʻrsatmalar berildi.
Shuningdek, 47 ta mansabdor shaxsga nisbatan chora koʻrish uchun hujjatlar tayyorlanib, sudlarga yuborildi.
Qurilish-montaj ishlari sifatsiz bajarilgan 12 ta obyektda ishlar vaqtincha toʻxtatildi. Obyektlarda sifatsiz material va buyumlardan foydalanilganlik uchun tegishli tashkilotlarga 26 ta taqdimnoma kiritildi.
