МУНОСАБАТ

?Навоий вилояти Қурилиш соҳасида ҳудудий назорат инспекцияси томонидан телеграм жтимоий тармоғида эълон қилинган хабар мутахассисларни жалб қилган ҳолда жойида ўрганиб чиқилди.

?Аниқланишича, “Нурота йиғма бетон” МЧЖ томонидан Нурота тумани “Эшон Судур” МФЙ “Шодлик” кўчасида қурилган кўп қаватли 59-уйда жойлашган 63-хонадон 2021-йил 10-июндаги олди-сотди шартномасига асосан Б.Файзуллаевга тегишли.

➡️“Бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатнома бериш бўйича давлат хизматлари кўрсатишнинг маъмурий регламенти”нинг 5-бандига асосан кўп қаватли турар-жой биноларида тўсин ёки юк кўтарувчи деворларида ҳар қандай ўзгаришлар киритиш учун белгиланган тартибда рухсатнома олиш лозимлиги белгиланган.

❗️Бироқ ўрганиш даврида ушбу кўп қаватли турар-жой биносининг 1-қаватидаги 63-хонадоннинг ҳожатхона ва ювиниш хонасига тегишли юк кўтармайдиган тўсин деворлари (остига мунтазам равишда сув кетиш оқибатида) ташқи таъсир натижасида қисман чўкиш ва қатор бузилишлар келиб чиққанлиги кузатилди. Ўрганиш даврида юқорида қайд этилган тўсин деворнинг ювиниш ва ҳожатхонага кириш қисмининг ўнг қанотидаги тўсин девор бузиб ташланганлиги ва асосий кириш эшиги ҳамда ювиниш хонасига кириш эшиги тепа қисмлари бир томонлама девордан ажралган ҳолга келиб қолганлиги ҳамда кириш эшиги ён қисмидаги (юк кўтармайдиган) тўсин деворнинг юқори қисмида ташқи таъсир натижасида қисман силжиб, ёрилиш пайдо бўлганлиги кузатилди.

✔️Ўрганишда кўп қаватли уй-жойнинг лойиҳа ҳужжатида мазкур хонадон жойлашган қисмда ер тўла қурилиши кўзда тутилмаган бўлиб, юқорида қайд этилган тўсин деворларнинг чўкиши юк кўтарувчи девор бўлмаганлиги сабабли бинонинг умумий ҳолатига таъсир этмаслиги аниқланди.

⚡️Фуқаро Б.Файзуллаев ўзининг тушунтиришида бир неча кун олдин ҳожатхонасини сув босганлигини, уни бартараф этиш ишларини амалга ошириш жараёнида деворларга зарар етиб, ёриқлар пайдо бўлганлигини, шундан сўнг ушбу деворларни янгилаш учун уларни бузиб ташлаганлигини маълум қилди.