Ishonch telefoni: (+998 71) 210-11-04 ( ichki raqam 5 )

MUNOSABAT

Yanvar 8, 2021 Posted by: tested Yangiliklar

Joriy yilning 6 yanvar kuni OAVda Qashqadaryo viloyati Qarshi shahrida gaz-havo aralashmasining chaqnashi natijasida baxtsiz hodisa sodir bo‘lgani haqida xabarlar tarqatildi. Ayrim ijtimoiy tarmoq kanallarida, “…rasmga e’tibor bilan qarasangiz, uyning fundamenti bo‘laklarida armaturani ko‘rmaysiz. Bu xonadonning qurilish normativlariga asosan qurilganligiga ishonish qiyin..”, deyilgan.

Qurilish sohasida hududiy nazorat inspeksiyasi mutaxassislari voqea joyiga chiqib o‘rganishdi. Ma’lumki, ushbu namunali uy 2016 yilgi davlat dasturi doirasida, pudratchi “Maxsus melioratsiya qurilish va ta’mirlash” korxonasi tomonidan bunyod etilgan.

Ushbu obyektning yerto‘la devorlarida ishchi loyiha bo‘yicha 3 ta qatorda qurilish fundament bloklari montaj qilingan. Ushbu fundament bloklari zavodda ishlab chiqarilgan tayyor qurilish mahsuloti bo‘lib, unda armatura bo‘lishi belgilanmagan.

Obyektdagi mazkur fundament bloklari ustidan armaturali seysmopoyasi bajarilishi belgilangan bo‘lib, ularda armaturali karkaslar montaj qilingan. Uning ustidan yig‘ma orayopma plitalar o‘rnatilgan va armaturali karkas betondan antiseysmik belbog‘ ishlari  bajarilgan.

Qurilish vazirligi matbuot xizmati