Nurotada “Madaniyat uyi” qurildi

Navoiy viloyatining Nurota tumanida yangi “Madaniyat uyi” binosi barpo etildi. Ikki qavatli zamonaviy ushbu inshootni san’at va madaniyat xodimlari uchun munosib tuhfa bo‘ldi deyish mumkin. Qurilish ishlariga 4,5 mld so‘m mablag‘ sarflandi. Keng, yorug‘, shinam xonalar, 290 o‘rinli tamosha zali bugun san’at ixlosmandlari va aholi xizmatida. Tuman “Madaniyat uyi” binosi qurilishi 2021-yil investitsiya dasturiga kiritilgan bo‘lib, bunyodkorlik ishlari 7 oy davom etdi.