Qurilayotgan ko'p qavatli turar-joyda monitoring ishlari o'tkazildi (Andijon viloyati)
2023-11-20
Andijon viloyati Qurilish va uy-joy kommunal xo'jaligi sohasida hududiy nazorat qilish inspeksiyasi xodimlari tomonidan Andijon shahri "G'ayrat" MFY hududida buyurtmachi "Marin biznes trade" MCHJ tomonidan qurilayotgan ko'p qavatli turar-joyda monitoring ishlari o'tkazildi.
Natijada ushbu obyektda quyidagi qoidabuzarliklar aniqlandi:
- binoning “K” blok 8-qavatida bajarilgan zina maydonchalari va "K" blok poydevor qismidagi vertikal gidroizolyatsiya himoya qatlami loyiha talablari bo‘yicha bajarilmagan.
Qoidabuzarliklar yuzasidan qurilishning mas’ul shaxslariga Ma’muriy javobgarlik to‘g‘risidagi kodeksning 99-moddasi 1-qismi bilan ma’muriy bayonnoma rasmiylashtirilib, mazkur obyektning “K” blogini instrumental texnik tekshiruv o‘tkazishga ko‘rsatmalar berildi hamda kamchiliklar bartaraf etilgunga qadar barcha turdagi qurilish-montaj ishlari to‘xtatildi.
