Vazir oʻrinbosari uyma-uy yurib, aholi muammosi, ularni qiynayotgan masalalarni oʻrganmoqda

Qurilish va uy-joy kommunal xoʻjaligi vaziri oʻrinbosari Ozoda Joʻrayeva koʻp kvartirali uylarga xizmat koʻrsatuvchi boshqaruv tashkilotlari faoliyatini oʻrganish maqsadida tunggi reyd oʻtkazmoqda.

Ma’lumki, koʻp kvartirali uylarga zamonaviy xizmat koʻrsatishning birlamchi talablaridan biri - 24 soat davomida aholiga xizmat koʻrsatishni tashkil etish, ularning muammolarini oʻrganish hisoblanadi. Xoʻsh, poytaxtimizda faoliyat yurituvchi BSKlar mazkur talablarga qanchalik javob bermoqda?

Ayni daqiqalarda Ozoda Joʻrayeva Yunusobod tumani 2-dahasida boʻlib mazkur jarayonni koʻzdan kechirmoqda. Vazir oʻrinbosari uyma-uy yurib, aholi muammosi, ularni qiynayotgan masalalarni oʻrganmoqda. 

Shuningdek, aholi tomonidan umumfoydalanish obyektlarini asrashda yoʻl qoʻyilayotgan kamchiliklar va ularni bartaraf etish choralarini koʻrish lozimligi ta’kidlanmoqda. 

Mazkur manzilda joylashgan koʻp kvartirali uylarga xizmat koʻrsatuvchi “Mumtoz servis” BSKga faoliyatini yaxshilash yuzasidan aniq topshiriqlar va tavsiyalar berilmoqda.