Prezident Shavkat Mirziyoyev Samarqand xalqaro aeroportida amalga oshirilayotgan modernizatsiya ishlari bilan tanishdi
Davlatimiz rahbari dastlab Samarqand xalqaro aeroportida amalga oshirilayotgan modernizatsiya ishlari bilan tanishdi.
Bugungi kunda uzunligi 3105 va eni 60 metr bo‘lgan uchish-qo‘nish yo‘lagi qurilishi tugallanib, yoritish-signal chiroqlari va aeronavigatsiya uskunalari o‘rnatilmoqda. Qurilishi davom etayotgan yangi terminal bir soatda 2 barobar ko‘p, ya’ni 800 nafar yo‘lovchiga xizmat ko‘rsatish quvvatiga ega bo‘ladi.
