Balandliklarda sanoat alpinizmi usullarida ta’mirlash, qurilish-montaj ishlarini bajarish faoliyatini litsenziyalash

BALANDLIKLARDA SANOAT ALPINIZMI USULLARIDA TA’MIRLASH, QURILISH-MONTAJ ISHLARINI BAJARISH FAOLIYATINI LITSENZIYALASH

Litsenziya olish uchun zarur bo‘lgan hujjatlar:

1. ariza;
   arizada quyidagi ma’lumotlar ko‘rsatiladi:
   yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, bank muassasasining nomi va bankdagi hisobvarag‘i, telefon raqami, STIR, elektron pochta manzili (agar mavjud bo‘lsa), litsenziya toifalari bo‘yicha tanlash, ariza to‘ldirish sababi (yangi litsenziya olish, qayta rasmiylashtirish), litsenziya talabgorining litsenziya talablari va shartlariga rioya qilishga roziligi;
2. balandliklarda sanoat alpinizmi usullarida ta’mirlash, qurilish-montaj ishlarini bajarish huquqini beruvchi hujjatlarga ega bo‘lgan mutaxassislarning ro‘yxati, unda ularning egallab turgan lavozimlari, ma’lumoti bo‘yicha mutaxassisligi va mutaxassisligi bo‘yicha ish staji ko‘rsatiladi;
3. balandliklarda sanoat alpinizmi usullarida ishlarni bajarish uchun zarur bo‘lgan texnika vositalarining tavsiflari.

Litsenziya talablari va shartlari:

1. litsenziya talabgori (litsenziat) shtatida litsenziyalanadigan faoliyat turi bo‘yicha hujjatlarga (maxsus tayyorgarlik to‘g‘risida guvohnoma, sertifikat), balandliklarda sanoat alpinizmi usullarida ta’mirlash, qurilish-montaj ishlarini bajarish ko‘nikmalari qo‘llangan holda kamida uch yil amaliy ish stajiga ega bo‘lgan kamida ikki nafar mutaxassisning mavjud bo‘lishi;
2. litsenziya talabgorida (litsenziatda) balandliklarda sanoat alpinizmi usullarida ta’mirlash, qurilish-montaj ishlarini bajarish uchun zarur bo‘lgan asbob-uskunalar, jihozlarning, shuningdek, mehnatni muhofaza qilish va texnika xavfsizligi normalariga rioya etilishini ta’minlovchi boshqa maxsus texnika vositalarining mavjud bo‘lishi.

ARIZANI KO‘RIB CHIQISH MUDDATI: 15 KUN

ARIZANI KO‘RIB CHIQISH UCHUN TO‘LANADIGAN YIG‘IM MIQDORI: 1 BHM (bazaviy hisoblash miqdori)

LITSENZIYA BERILGANLIGI UCHUN DAVLAT BOJI MIQDORI: 10 BHM (bazaviy hisoblash miqdori)

Me’yoriy hujjatga havola: https://lex.uz/uz/docs/-5870213

Litsenziyalovchi organ

Qurilish vazirligi

Xizmatdan foydalanuvchilar:

Yuridik shaxslar

Litsenziya davomiyligi: cheklanmagan