Qariyb 50 yillik muammo bartaraf etilmoqda
Ayni kunlarda Fargʻona viloyatidagi mahalla fuqarolar yigʻinlarida Oʻzbekiston Respublikasi Prezidentining 2022-yil 25-oktabrdagi “2022-2023-yillarda mahallalar infratuzilmasini yanada yaxshilash boʻyicha qoʻshimcha chora-tadbirlar toʻgʻrisida”gi PQ-408-sonli qaroriga asosan keng koʻlamli ishlar olib borilmoqda.
Xususan, Dangʻara tumanining “Istiqlol” hamda “Navbahor” mavzelarida qurilgan ikki qavatli uylar oxirgi 50 yil mobaynida mukammal taʼmirlanmaganligi oqibatida tom va fasad qismlarining yaroqsiz holatga kelishi, aholining haqli eʼtirozlariga sabab bo‘layotgan edi.
Endilikda ushbu muammolarni bartaraf etish maqsadida hududdagi 10 ta uyning tom qismlari hamda 8 ta uyning fasad qismlari mukammal taʼmirlash va hududni obobdonlashtirish ishlari olib borilmoqda.
