Yaponiyaning “Seysmik himoyalash jamiyati” bilan uzoq muddatli hamkorlik yo‘lga qo‘yildi
Yaponiyaning seysmik himoyalash jamiyati Yaponiyaning 200 dan ortiq ilmiy-tadqiqot va loyiha institutlarini qamrab oladi. Uning muallifligida 40 yil mobaynida 4000 dan ziyod bino va inshootlar yangi “seysmik himoyalash texnologiyasi” tatbiq etilib qurilgan.
Ushbu yangi texnologiyaning mohiyati shundaki, zilzila tebranishlari bino poydevoriga qo‘yiladigan maxsus tayanch va dempfer qurilmalari orqali so‘ndirilib, binoga bir necha bor kamaytirilib uzatiladi. Yaponiyada oxirgi 40 yilda kuzatilgan kuchli zilzilalarda ushbu texnologiya asosida bunyod etilgan binolarning birortasi ham shikastlanmagan. Hozirgi kunda shu texnologiyalar asosida binolar qurilishi boshqa davlatlarda ham kuzatilmoqda.
Bugungi kunda Respublikamizda “seysmik himoyalash texnologiya”si bo‘yicha qurilgan binolar mavjud emas. Shu sababli Respublikamizda Yaponiyaning seysmik himoyalash jamiyati bilan uzoq muddatli hamkorlikni yo‘lga qo‘yish maqsadga muvofiq.
Binolarni seysmik himoyalash
Yaponiya tajribasi
Ma’lumot o‘rnida: 2021 yil 11-12 fevral kunlari Yaponiyaning seysmik himoyalash jamiyati O‘zbekiston mutaxassislari uchun 2 kunlik on-layn seminar ma’ruza kurslari tashkil etdi. Seminar ishida Yaponiya va O‘zbekiston elchilari hamda kompaniya prezidenti ishtirok etishdi. Seminarda Respublikamizdan 200 dan ortiq mutaxassislar qatnashdi. Yaponiya mutaxassislari tomonidan seysmik himoyalangan inshootlarni loyihalash va ularning konstruktiv hisobi bo‘yicha ma’ruza mashg‘ulotlari o‘tkazildi.