2024-2025-yillar kuz-qish mavsumiga tayyorgarlik

2024-2025-yillar kuz-qish mavsumiga tayyorgarlik ko‘rish jarayonida ko‘p kvartirali uylarda istiqomat qiluvchi aholiga qulaylik yaratish qurilish va uy-joy kommunal xo‘jaligi sohasida amalga oshirilayotgan choralarning asosiy maqsadi hisoblanadi. 

Ayniqsa, ko‘p qavatli uylarning tom qismini ta'mirlash, yerto'la va yo'laklarni tartibga keltirish masalalariga qat'iy yondashilmoqda. Jumladan, Buxoro shahrida faoliyat ko‘rsatayotgan boshqaruv servis kompaniyalari tomonidan bu borada tizimli  ishlar olib borilmoqda. Xususan, Jomiy ko‘chasidagi  9/2-ko‘p kvartirali uyning tomini joriy ta’mirlash davom etmoqda. "Buxoro polizol" boshqaruv servis kompaniyasi tomonidan esa mazkur ko‘chadagi ko‘p kvartirali uylarning yerto‘la qismida isitish tizimi quvurlarini yuqori suv-havo bosimi ostida yuvish ishlari amalga oshirilmoqda.