Qoraqalpogʻiston Respublikasi Qurilish va uy-joy kommunal xoʻjaligi vazirligida “Ko‘p kvartirali uylarda energetik modernizatsiya qilish – strategik istiqbollar” mavzusida davra suhbati bo‘lib o‘tdi

Qoraqalpogʻiston Respublikasi Qurilish va uy-joy kommunal xoʻjaligi vazirligida “Ko‘p kvartirali uylarda energetik modernizatsiya qilish – strategik istiqbollar” mavzusida davra suhbati bo‘lib o‘tdi.

Tadbirda Qoraqalpog‘iston Respublikasi Qurilish va uy-joy kommunal xo‘jaligi vaziri Qabilbek Aytbayev, Markaziy Osiyo kam uglerodli investitsiyalar uchun energetikani moliyalashtirish – Shaharlar uchun maslahat jamg‘armasi vakili Mariya Anna Serve, shuningdek, Rahima Ortiqova (Uy-joy fondini professional boshqaruvchilar va xizmat koʻrsatuvchilar uyushmasi, Toshkent shahri) va Larisa Shrekkenbax (“Sharqiy Yevropada uy-joy xo‘jaligi” tashabbusi, Berlin shahri) moderator sifatida ishtirok etdi.

Davra suhbati davomida:

•  binolarning energiya samaradorligini oshirishda munitsipalitetlarning roli va modernizatsiya strategiyasi;
•  davlat idoralari va aholining o‘zaro hamkorligi;
•  aholi o‘rtasida o‘tkazilgan so‘rov natijalari va modernizatsiya bo‘yicha xulosalar;
•  keyingi bosqichdagi asosiy vazifalar muhokama qilindi.

Tadbir yakunida ishtirokchilar o‘z fikr va takliflarini bildirishdi hamda ochiq savol-javoblar tashkil etildi.