Sirdaryo viloyatidagi qurilish materiallarini ishlab chiqarish korxonasiga press-tur tashkil etildi
Bugun Qurilish va uy-joy kommunal xoʻjaligi vazirligi, “Oʻzsanoatqurilishmateriallari” uyushmasi hamda “Oʻzsanoatqurilishbank” ATB hamkorligida Sirdaryo viloyatidagi qurilish materiallarini ishlab chiqarish korxonasiga press-tur tashkil etildi. Yirik gazoblok ishlab chiqaruvchilardan biri sanalgan “BS gazobeton” kompaniyasida bugungi kunda energotejamkor texnologiyalardan samarali foydalanilmoqda. Maʼlum qilinganidek, mazkur tarmoq innovatsion yechimlarni oʻzida jamlagan boʻlib, ishlab chiqarishda “Aircrete” texnologiyasini joriy yetgan Markaziy Osiyodagi yetakchi korxona hisoblanadi. Press-tur davomida ishtirokchilar ushbu texnologiyaning ishlab chiqarish jarayoniga qanday integratsiyalashganiga guvoh boʻldilar. Malakali muhandislar texnik jihatlarni tushuntirib, jurnalistlarni qiziqtirgan savollariga javob berdilar.
Korxona 6 ta hududda, jumladan, Toshkent, Andijon, Samarqand, Qashqadaryo, Xorazm va Sirdaryo viloyatlarida savdo ofislari hamda gazoblok saqlash punktlariga ega.
Maʼlumot oʻrnida aytish oʻrinliki, korxona Qozogʻiston, Qirgʻiziston va Tojikiston kabi qoʻshni mamlakatlarga gazobloklarni muntazam yetkazib bermoqda.
