Toshkent shahar Qurilish va uy-joy kommunal xo‘jaligi sohasida hududiy nazorat qilish inspeksiyasi (MUNOSABAT)

Toshkent shahar Qurilish va uy-joy kommunal xo‘jaligi sohasida hududiy nazorat qilish inspeksiyasi Gazeta.uz internet nashrining telegram kanalida e'lon qilingan Mirzo Ulug‘bek tumani "Olmachi" MFY Habib Abdullayev ko'chasida joylashgan qurilish obyekti bo'yicha quyidagilar maʼlum qiladi.

Mazkur manzilda "DREAM CONSTRUCTION" MChJga tegishli bo‘lgan ko'p qavatli turar-joy va noturar joy kompleksi qurilmoqda va u o‘rnatilgan tartibda inspeksiyadan ro‘yxatdan o‘tgan hamda unda doimiy nazorat olib borilmoqda.

Inspeksiya holat yuzasidan joyiga chiqib, o'rganish ishlarini olib bordi hamda  ShNQ va QMQga asosan qurilish-montaj ishlarini  amalga oshirish lozimligi yuzasidan MCHJ mas'ullariga ogohlantirish berildi.