Turkiyada Jahon Banki tashabbusi bilan "Energy Knowledge Networking" forumi o’z ishini boshladi

Bugun Turkiyada Jahon Banki tashabbusi bilan "Energy Knowledge Networking" forumi o’z ishini boshladi. 

Suv va energiya resurslarini boshqarish, iqlim o'zgarishiga qarshi kurashish va barqaror rivojlanish masalalarida bilim almashish hamda hamkorlikni rivojlantirishni maqsad qilgan Forumda vazir o’rinbosari Ozoda Jo’rayeva ham ishtirok etmoqda.

Ayni damda forum doirasida “From Energy and Climate Targets to Action”, ya’ni “Energiya va iqlim maqsadlaridan harakatga qadar” sessiyasi bo’lib o’tmoqda. 

Tadbir doirasida Jahon Banki va xalqaro ekspertlar energiya va iqlim maqsadlaridan amaliy harakatlarga o'tishning dolzarb yo'llarini muhokama qilmoqda. Shuningdek, innovatsion yechimlar, barqaror investitsiyalar va xalqaro hamkorlikning ahamiyati ta'kidlanmoqda.