Vazirlik huzuridagi Texnik meʼyorlash va standartlashtirish ilmiy-tadqiqot instituti masʼullari 151-son Farmonida belgilangan vazifalar ijrosi yuzasidan Xitoy Xalq Respublikasiga tashrif buyurishdi
2024-05-08
Bugun vazirlik huzuridagi Texnik meʼyorlash va standartlashtirish ilmiy-tadqiqot instituti masʼullari 151-son Farmonida belgilangan vazifalar ijrosi yuzasidan Xitoy Xalq Respublikasiga tashrif buyurishdi.
Tashrif davomida Xitoy uy-joy, shahar va qishloqlarni rivojlantirish vazirligi huzuridagi Normalar va standartlar tadqiqot instituti (RISN) bilan oʻzaro anglashuv memorandumi imzolandi.
Mazkur memorandumga asosan quyidagi ustuvor vazifalar boʻyicha hamkorlik qilish belgilab olindi:
- shaharsozlik sohasidagi ustuvor hamda dolzarb yoʻnalishlar boʻyicha asosiy yoʻnalishlarni;
- shuningdek, zilzilabardosh bino va inshootlar hamda koʻprik tunnellar boʻyicha milliy shaharsozlik normalari muhokamasini tashkil etish va ularni takomillashtirish;
- sohadagi dolzarb masalalar boʻyicha qoʻshma tadqiqotlar olib borish;
- qurilishda narxlarni shakllantirish sohasida hamkorlik qilish kabilardir.