KO'PRIKLAR VA TUNNELLARNI LOYIHALAShTIRISh, QURISh VA ULARNI TAʼMIRLASh FAOLIYaTINI LISENZIYaLASh

Lisenziya olish uchun zarur bo'lgan hujjatlar:

1. ariza;
2. arizada quyidagi maʼlumotlar ko'rsatiladi: yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, bank muassasasining nomi va bank hisobvarag'i, telefon raqami, STIR, elektron pochta manzili (agar mavjud bo'lsa), lisenziya toifalari bo'yicha tanlash, ariza to'ldirish sababi (yangi lisenziya olish, qayta rasmiylashtirish), lisenziya talabgorining lisenziya talablari va shartlariga rioya qilishga roziligi;
3. ko'priklar va tunnellarni loyihalashtirish, qurish va ularni taʼmirlash ishlari bilan shug'ullanuvchi xodimlarning ro'yxati, unda ularning egallab turgan lavozimlari, maʼlumoti bo'yicha mutaxassisligi, mutaxassisligi bo'yicha ish staji, ushbu xodimlar loyihalashtirishda, qurishda va taʼmirlashda qatnashgan asosiy obʼektlar ro'yxati ko'rsatiladi;
4. temir yo'l, shuningdek, birlashgan ko'priklar va tunnellardan foydalanish va ularni taʼmirlash sohasida — asbob-uskunalar, anjomlar, inventar, mexanizasiyalash vositalari, transport, nazorat-o'lchov qurilmalari va signal anjomlari bilan jihozlanganligi to'g'risida qisqacha tavsif.

Lisenziya talablari va shartlari:

Ko'priklar va tunnellarni loyihalashtirish bo'yicha:

• ko'priklar va tunnellarni loyihalashtirish sohasidagi qonunchilik hujjatlariga, belgilangan shaharsozlik normalari va qoidalariga, davlat standartlariga majburiy rioya etish;
• yuridik shaxs shtatida ushbu sohada tegishli kasb maʼlumotiga, shuningdek, ko'rsatilgan inshootlarni loyihalashtirishda kamida 5 yil ish stajiga ega bo'lgan mutaxassislarning (muhandislik malaka sertifikatga ega bo'lgan loyihaning bosh muhandislari va bosh arxitektorlari, konstruktorlar, texnologlar) mavjud bo'lishi;

Ko'priklar va tunnellarni qurish va taʼmirlash bo'yicha:

• lisenziat tomonidan mehnatni muhofaza qilish va texnika xavfsizligi normalari talablariga majburiy rioya etish, qurilish va taʼmirlash ishlarining sifatini, foydalanishning ishonchliligini taʼminlash;
• yuridik shaxs shtatida ko'priklar va tunnellarni qurish va taʼmirlash bo'yicha tegishli maxsus kasb maʼlumotiga, shuningdek, qurilish-taʼmirlash ishlarida kamida uch yillik ish stajiga ega bo'lgan mutaxassislarning mavjud bo'lishi;
• lisenziya talabgorida ko'priklar va tunnellarni qurish va taʼmirlash uchun zarur bo'lgan asosiy fondlar va texnik vositalarning (binolar, ishlab chiqarish binolari, maxsus qurilish-taʼmirlash texnikasi) mavjud bo'lishi.

ARIZANI KO'RIB ChIQISh MUDDATI: 30 KUN

ARIZANI KO'RIB ChIQISh UChUN TO'LANADIGAN YIG'IM MIQDORI: 1 BHM (bazaviy hisoblash miqdori)

LISENZIYa BERILGANLIGI UChUN DAVLAT BOJI MIQDORI: 5 BHM (bazaviy hisoblash miqdori)

Meʼyoriy hujjatga havola: https://lex.uz/uz/docs/-5870213

Lisenziyalovchi organ

Qurilish vazirligi

Xizmatdan foydalanuvchilar:

Yuridik shaxslar

Lisenziya davomiyligi: cheklanmagan