“Qurilishda texnik me’yorlash va sohani raqamlashtirishda erishilgan natijalar va istiqboldagi muhim vazifalar” mavzusidagi Respublika seminari

Abdug’ani Lapasov vazirlik boshqama boshlig’i o’rinbosari shaharsozlikda raqamlashuv jarayonlariga qisqacha to’xtalib o’tdi.

2024-2025-yillar shahar va shaharchalarning bosh rejalarini raqamli formatga o‘tkazish davri sifatida muhim davr bo’lib xizmat qilmoqda.

 Endi bosh rejalar geoaxborot tizimi (GAT/GIS) orqali elektron tarzda shakllantirilmoqda.

 Har bir fuqaro o‘z mulkiga oid ma’lumotni internet orqali mustaqil ravishda olishi mumkin.
Bundan tashqari Vazirlar Mahkamasining 2025-yil 22-oktabrdagi 666-son qarori bilan qurilish loyihalarini kelishishning yangi elektron mexanizmi joriy etildi.

 Tizim inson omilini minimal darajaga tushiradi;
 korrupsiya holatlarining oldini oladi;
 loyihalarni ko‘rib chiqish muddatini qisqartiradi.

Ushbu jarayonlar shaharsozlik sohasida shaffoflik va samaradorlikni oshirishga xizmat qiladi.

Texnik me’yorlash va standartlashtirish ilmiy-tadqiqot instituti direktori o‘rinbosari Abulqosim Abduxoliqov “Seysmik faol hududlarda baland binolarni loyihalash”mavzusida taqdimot qildi.

U o‘z chiqishida mamlakatimizda yuqori zilzilabardoshlik talablariga javob beruvchi inshootlar qurish bo‘yicha xalqaro standartlar va yangi texnik me’yorlar joriy etilayotgani haqida so‘z yuritdi.

Shuningdek: 

•  seysmik xavf darajasi yuqori hududlarda loyihalashda zamonaviy konstruktiv yechimlardan foydalanish zarurligi ta’kidlandi;
•  qurilish materiallarining sifatini nazorat qilish hamda loyiha bosqichidan boshlab monitoring tizimini yo‘lga qo‘yish masalalariga alohida e’tibor qaratildi;
•  jahon tajribasiga tayangan holda milliy me’yorlarni takomillashtirish bo‘yicha ilmiy izlanishlar olib borilayotgani qayd etildi.

 Ushbu tashabbuslar yurtimizda barpo etilayotgan baland binolarning xavfsizligi va zilzilabardoshligini ta’minlashga xizmat qiladi.