Seysmik xavfsizlik va barqaror qurilish milliy tadqiqot instituti faoliyati tashkil etildi
2025-10-22
“Toshkent arxitektura-qurilish universiteti huzurida Seysmik xavfsizlik va barqaror qurilish milliy tadqiqot instituti faoliyatini tashkil etish chora-tadbirlari toʻgʻrisida”gi Prezident qarori (PQ-309-son, 20.10.2025-y.) qabul qilindi.
Qarorga koʻra, Institut faoliyatining asosiy yoʻnalishlari etib quyidagilar belgilandi, jumladan:
- seysmik xavfsizlikni taʼminlash va barqaror qurilish sohasi boʻyicha ilmiy tadqiqotlar oʻtkazish va natijalarini amaliyotga joriy etishni taʼminlash;
- tegishli litsenziya talablari va shartlarini bajargan holda shaharsozlik sohasida litsenziyalanadigan faoliyat turlarining barchasini amalga oshirish.
- boshqa ilmiy tashkilotlar, jamgʻarmalar, taʼlim muassasalari, shu jumladan, xalqaro va xorijiy tashkilotlar bilan shartnomalar tuzish orqali birgalikda ilmiy tadqiqotlar oʻtkazish.
Institut faoliyati oʻzini oʻzi moliyalashtirish tamoyili asosida tashkil etiladi va Kengashlar nazorati ostida yuritiladi.
Institutga ilmiy unvonlar va ilmiy darajalar beruvchi ilmiy kengashlar tuzish va oʻz faoliyatiga mos ixtisosliklar boʻyicha doktorant va mustaqil izlanuvchilarni tayyorlash huquqi beriladi.
