Surxondaryo viloyati Qurilish va uy-joy kommunal xo'jaligi sohasida nazorat qilish inspeksiyasi xodimlari mazkur holatni joyiga chiqqan holda o'rgandilar
"Eltuz" telegram kanali orqali bugun e'lon qilingan Termiz shahri "Bog'ishamol" mahallasi Farovon massivi 1- uy mulkdorlari murojaati yuzasidan quyidagilar ma'lum qilinadi:
Surxondaryo viloyati Qurilish va uy-joy kommunal xo'jaligi sohasida nazorat qilish inspeksiyasi xodimlari mazkur holatni joyiga chiqqan holda o'rgandilar.
Termiz shahar hokimining tegishli qaroriga asosan Termiz shahri Alisher Navoiy nomli MFY hududidan pudratchi tashkilot “Guber Global Constructions” MChJga 54 xonadondan iborat 7 qavatli uy-joy qurilishi uchun yer maydoni ajratilgan. Pudratchi tashkilot tomonidan ko‘p qavatli uy-joy qurilishi amalga oshirilgan. Ammo qurilish to‘liq yakunlanmaganligi va ko‘p qavatli uyda loyiha bo‘yicha o‘rnatilishi lozim bo‘lgan lift o‘rnatilmaganligi vaj qilinib, ushbu uy-joylarni xarid qilgan fuqarolarning mazkur xonadonlarga kirib yashashlari uchun pudratchi tashkilot to‘sqinlik qilayotganligi va bu aholining haqli e’tiroziga sabab bo‘layotganligi aniqlandi.
Inspeksiya tomonidan mazkur ko‘p qavatli uy-joylarning qurilishini amalga oshirgan buyurtmachi-pudratchi “Guber Global Constructions” MCHJ mas’ul xodimiga 2023-yil 17-avgust kuni tegishli tartibda chora ko‘rilgan.
Shuningdek, inspeksiya tomonidan pudratchining bajarmagan ishlari oqibatida kelib chiqarishi mumkin bo‘lgan salbiy holatlar yuzasidan Termiz shahar prokuraturasiga ma'lumot kiritilganligi ma'lum qilinadi.
