Fargʻona viloyati Qurilish va uy-joy kommunal xoʻjaligi sohasida hududiy nazorat qilish inspeksiyasi (MUNOSABAT)
Kuni kecha facebook ijtimoiy tarmog'ida tarqalgan murojaat Fargʻona viloyati Qurilish va uy-joy kommunal xoʻjaligi sohasida hududiy nazorat qilish inspeksiyasi mutaxassislari tomonidan joyiga chiqib oʻrganildi.
“Qurilish optima” masʼuliyati cheklangan jamiyati tomonidan Vazirlar Mahkamasining 2022-yil 20-apreldagi “Qurilish sohasiga oid yagona maʼmuriy qurilish reglamentlarini tasdiqlash toʻgʻrisida”gi 200-son qarorining tegishli bandlariga zid ravishda qurilish-montaj ishlarini boshlash toʻgʻrisida xabarnoma yubormasdan qurilish ishlarini amalga oshirgani aniqlandi. Ya'ni hudud oʻralib, xandaq ishlari (kotlovan) boshlab yuborilgan.
Mazkur holat boʻyicha inspeksiya tomonidan 2024-yil 20-may kuni qurilish-montaj ishlarini toʻxtatish toʻgʻrisida ogohlantrish xati berilib, ishlar vaqtincha toʻxtatilganligini maʼlum qilamiz.