Toпшириқ ижроси юзасидан Қурилиш вазирлиги томонидан Ўзбекистон Республикаси Президентининг “Шаҳарсозлик фаолияти соҳасида давлат бошқаруви тизимини такомиллаштириш чоралари тўғрисида”ги қарори лойиҳаси ишлаб чиқилиб, ўрнатилган тартибда вазирлик ҳамда идоралар билан келишилди (ИД-28246 (В-И). Лойиҳага ҳудудий қурилиш бош бошқармалари фаолиятининг самарадорлигини тубдан ошириш, бунинг учун уларнинг ташкилий тузилмасини ўзгартириш, шунингдек моддий-техник базасини мустаҳкамлаш, уларнинг ходимларини ижтимоий ҳимоя қилиш ва моддий рағбатлантиришни кучайтириш назарда тутадиган таклифлар киритилган. Ҳозирги кунда Ушбу топшириқ ижроси юзасидан Қурилиш вазирлигининг 01.06.2022 йилдаги 13-06/6300-сонли хати билан Ўзбекистон Республикаси Президентининг “Шаҳарсозлик фаолияти соҳасида давлат бошқаруви тизимини янада такомиллаштириш чоралари тўғрисида”ги қарори лойиҳаси Вазирлиар Маҳкамасига тасдиқлаш учун киритилган.

2.2.-банд бўйича.

01.06.2022-йилги 13-06/6300 сонли хат орқали Вазирлар Маҳкамасига, ягона электрон (project.gov.uz) тизими орқали вазирлик ва идоралар билан келишилган (ID-28246 (V-1))-сон) “Шаҳарсозлик фаолияти соҳасида давлат бошқаруви тизимини янада такомиллаштириш чоралари тўғрисида”ги қарори лойиҳаси киритилди.

3.2.-банди.

йўл харитасининг 3.2 бандига мувофиқ, Лойиҳа қидирув ташкилотларининг электрон рейтинги ишлаб чиқиш вазфиаси бўйича ВМ-46 сон қарорига қўшимча ва ўзгартириш киритиш бўйича (2 илова 1 банд) қарор лоийҳасига тегишли бандлар киритилди. Унга кўра “Рейтингнинг асосий йўналишлари, мезонлари ва ҳар бир мезон бўйича белгиланадиган баллар ҳамда баҳолаш методикаларига тегишли ўзгартириш ва қўшимчалар Қурилиш вазирлиги томонидан Ўзбекистон Республикаси Президентининг 2021 йил 10 декабрдаги ПҚ–43-сон қарори билан тасдиқланган Давлат дастурлари ижро этилишини назорат қилиш ва мувофиқлаштириш бўйича республика штаби билан келишган ҳолда киритилиши белгиланди. Ҳозирда мазкур қарор лоийҳаси регламент талабларига мувофиқ Вазирлар Маҳкамасига киритилган. (хат рақами. 14-06/6446  03.06.2022-йил)

Коррупция хавфларига энг кўп дучор бўладиган йўналишлар ва лавозимлар реестрини ишлаб чиқилди. Вазирликнинг 10.08.2022-й. Кунги 01/6-05/9141-сонли хати орқали реестр жадвал кўринишида Коррупцияга қарши курашиш Агентлигига киритилди.

6.1.-банд.Мазкур топширқларнинг ижросини назарда тутадиган нормалар Қурилиш вазирлиги томонидан ишлаб чиқилган Вазирлар Маҳкамасининг “Аҳоли пунктларини бош режаларини тасдиқлашда жамоатчилик назоратини амалга оширишнинг тартиби тўғрисида низомни тасдиқлаш ҳақида”ги ҳамда “Маҳаллий ижро ҳокимияти органлари ва давлат органларининг ҳудудий бўлинмалари томонидан аҳоли пунктларининг бош режалари ва бошқа шаҳарсозлик ҳужжатларини амалга ошириш тартиби ҳақидаги низомни тасдиқлаш тўғрисида”ги қарорлари лойиҳалари ишлаб чиқилиб, уларни ўрнатилган тартибда вазирлик ҳамда идоралар билан келишиш ишлари олиб борилмоқда. Ушбу топшириқ ижроси юзасидан Қурилиш вазирлигининг 20.09.2022 йилдаги 13-06/10766-сонли хати билан Ўзбекистон Республикаси Вазирлар Маҳкамасининг “Маҳаллий ижро ҳокимияти органлари ва давлат органларининг ҳудудий бўлинмалари томонидан аҳоли пунктларининг бош режалари ва бошқа шаҳарсозлик ҳужжатларини амалга ошириш тартиби хақидаги низомни тасдиқлаш тўғрисида”ги Вазирлар Маҳкамасининг қарори лойиҳаси Вазирлира Маҳкамасига тасдиқлаш учун киритилган.

6.2.-банд. Бош режа лойиҳларни аҳоли ўртасида муҳокама қилиш тартиби Қурилиш вазирлиги томонидан 2021 йил 22 февралда тасдиқланган Шаҳарсозлик кодексининг 35-43-моддаларига киритилган. Кодекс 2021 йил май ойида кучга кирган.

Бош режаларни амалга ошириш бўйича давлат ҳокимияти органларига ва аҳолига ахборот бериш тартибини жорий қилиш ҳамда давлат ҳокимияти органлари томонидан шаҳар ва шаҳар посёлкаларининг бош режалари ва бошқа шаҳарсозлик ҳужжатларини амалга ошириш тартиби масаласида бошқарма томонидан Вазирлар Маҳкамасининг “Маҳаллий ижро ҳокимияти органлари ва давлат  органларининг  ҳудудий бўлинмалари томонидан аҳоли пунктларининг бош режалари ва бошқа шаҳарсозлик ҳужжатларини амалга ошириш тартиби ҳақидаги низомни тасдиқлаш тўғрисида”ги қарори лойиҳаси ишлаб чиқилиб, 2022-йил 20-сентябр куни №13-06/10766-сонли хат орқали (ID-26247) кўриб чиқиш ва тасдиқлаш учун Вазирлар Маҳкамасига юборилган.

Қурилиш вазирлиги томонидан 2022 йил 6 июл куни 18-06/7857-сон хат билан Молия вазирлигига манзилли рўйхатни шакллантиришнинг аниқ тартиби ва муддати ҳамда ҳужжатларни электрон тарзда алмашинуви бўйича ўз таклифларини юборган.

10.1.-банди бўйича.

Бугунги кунда Ўзбекистон Республикаси Президентининг 2021-йил 30-декабрдаги ПҚ-73-сон қарорининг 10-ИЛОВАси билан Ўзбекистон Республикаси Вазирлар Маҳкамасининг 2003 йил 3 июлдаги «Капитал қурилишда танлов савдолари тизимини такомиллаштириш чора-тадбирлари тўғрисида»ги 302-сон қарори бекор қилинган.

Мазкур қарор Ўзбекистон Республикаси Президентининг 2021 йил 30 декабрдаги ПҚ-73-сонли «Ўзбекистон Республикасининг «2022 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги қарорига асосан ўз кучини йўқотган.

10.2.-банд бўйича

Бугунги кунда, Қурилиш вазирлиги томонидан Вазирлар Маҳкамасининг 2022-йил 31-январдаги “Қурилиш соҳасида электрон давлат харидларини ташкил этиш ва амалга ошириш тартибини такомиллаштириш чора-тадбирлари тўғрисида”ги 46-сон қарорига қўшимчалар ва ўзгартиришлар киритилмоқда. Юқоридагилардан келиб чиқиб, мазкур топшириқ ижрисининг бажарилиши бўйича мазкур 46-сон қарорига киритилаётган қўшимча ва ўзгартиришларда, қурилиши тугалланмаган обектлар якунига етказилмасдан, бош пудратчи ўзига юклатилган мажбуриятларни бажара олмаган тақдирда обектни бошқа пудратчига ўтказиш ва қурилишни давом эттиришга рухсат бериш тартиби инобатга олинаётганлигини маълум қилинади.

10.3.-банд бўйича

топшириқда қарор лойиҳани 2023 йил 2 кварталда Вазирлар Маҳкамасига киритилиши кўрсатилганлиги сабабли ушбу қарор лойиҳаси 2023 йилда киритилади

Бугунги кунда Вазирлар Маҳкамасининг 2022-йил 31-январдаги “Қурилиш соҳасида электрон давлат харидларини ташкил этиш ва амалга ошириш тартибини такомиллаштириш чора-тадбирлари тўғрисида”ги 46-сон қарорига тегишли ўзгартириш ва қўшимчалар киритиш тўғрисида қарор лойиҳаси ишлаб чиқилаётган бўлиб, юқорида қайд этилган топшириқлар ушбу қарор лойиҳасида белгиланган.

Объектларнинг қурилиш-таъмирлаш ишлари учун бош пудрат ташкилотларини аниқлаш бўйича тендер савдоларида оферентларни баҳолаш жараёни Ўзбекистон Республикаси Вазирлар Маҳкамасининг 2022 йил 31 январдаги 46-сонли «Қурилиш соҳасида электрон давлат харидларини ташкил этиш ва амалга ошириш тартибини такомиллаштириш чора-тадбирлари тўғрисида»ги қарорига мувофиқ, инсон омилисиз электрон платформа томонидан мустақил тарзда, соҳавий рейтинг асосида тегишли вазирлик ва идораларнинг маълумотлар базаси билан интеграция қилинган ҳолда амалга оширилган.

Унга кўра, тендер савдолари «Шаффоф қурилиш» миллий ахборот тизимининг платформасида он-лайн кўринишда электрон кўринишда ва инсон омилисиз амалга оширилиб келинмоқда.

Низомининг 40-бандида электрон тендерда иштирок этиш учун таклифлар бериш муддати тугаган санадан бошлаб 2 иш куни ичида платформа томонидан тендер ғолиби аниқланади ва ушбу 2 иш куни якунланган кундан сўнг ғолиб ташкилотга акцепт юборилади.

Акцепт ғолиб ташкилот томонидан тасдиқланган кундан бошлаб тендер тугалланган деб ҳисобланади.

Агар акцепт юборилган кундан бошлаб 2 иш куни ичида ғолиб ташкилот томонидан тасдиқланмаса, ушбу ғолиб ташкилот пудрат шартномасини имзолашдан бош тортган ҳисобланади ва акцепт захирадаги ғолибга юборилади деб кўрсатиб ўтилган.

Юқорида келтириб ўтилган низом иловасига мувофиқ тендер савдолари ғолиби сифати буюртмачи билан шартнома тузишдан бош тортилганлиги сабабли электрон платформа томонида икки йилга тендер савдоларида иштирок этишдан четлаштириш тартиби белгиланган.

Қарор билан сурункали равишда қоидабузарликка йўл қўйган, шартнома шартларини ўз вақтида бажармаган номақбул пудрат ташкилотларини тендер савдолари иштироки чекланган

Давлат харидлари соҳасида масъулиятни ошириш ва коррупцияни бартараф этиш мақсадида мазкур соҳадаги қонун ҳужжатларини бузганлик учун жавобгарликни ошириш бўйича Вазирликнинг 2021-йил 25-октябридаги 194-сонли буйруғига асосан “Ўзбекистон Республикаси Қурилиш вазирлиги, унинг ҳудудий ва таркибий бўлинмаларида контрагентларни текширишга оид йўриқнома” тасдиқланган. Унга кўра контрагентларни қандай текшириш йўллари кўрсатилган.  

Бугунги кунда қурилиш соҳасида давлат харидларини ташкил этиш ва ўтказиш электрон тарзда Вазирлар Маҳкамасининг 2022 йил 31 январдаги 46-сон қарори талаблари асосида амалга оширилмоқда.

Ушбу қарорда буюртмачи  ташкилотчи, пудрат ташкилоти ва электрон платформа операторининг функция ва вазифалари белгилаб берилган.

Давлат буюртмачилари учун қурилиш соҳасидаги давлат хариди амалга оширишда намунавий тендер ҳужжатлари талаб этилмайди.

Шунингдек, Вазирлар Маҳкамасининг 2022 йил 23 ноябрдаги “Қурилиш соҳасидаги давлат харидлари тизими такомиллаштирилиши муносабати билан Ўзбекистон Республикаси Вазирлар Маҳкамасининг айрим ҳужжатларига ўзгартириш ва қўшимчалар киритиш тўғрисида” 665-сон қарори тасдиқланган.

Қурилиш соҳасида пудрат ташкилотларини аниқлашда Ўзбекистон Республикаси Вазирлар Маҳкамасининг 2020-йил 9-ноябрдаги “Лойиҳа-қидирув ва қурилиш пудрат ташкилотлари рейтингини ҳисоблаш ва юритиш тартибини жорий этиш чора тадбирлари тўғрисида”ги 699-сон қарори ҳамда Ўзбекистон Республикаси Вазирлар Маҳкамасининг 2022-йил 31-январдаги “Қурилиш соҳасида электрон давлат харидларини ташкил этиш ва амалга ошириш тартибини такомиллаштириш чоратадбирлари тўғрисида” 46-сон қарорида асосида (тендер.мc.уз) электрон платформа орқали амалга оширилмоқда. Электрон платформада тендер савдоларига эълонларни жараёндаги, амалга ошган ва амалга ошмаган тоифалари, эълонга берилаётган обектлар ҳудудлари, баёнлар номерлари муддатлари бўйича алоҳида саҳифаларга тизимлаштирилган. (10.06.2022-й.кунги 15-06/6680-сон хат билан Молия вазирлигига хат юборилган)

“Ягона етказиб берувчи томонидан ишлаб чиқариладиган ва етказиб берадиган товарларни махсус рақам (товар коди) билан бириктирган ҳолда сотиб олувчи томонидан ягона етказиб берувчидан фақат айнан шу рақамдаги маҳсулот (иш ёки хизматни) сотиб олиш имконини берувчи чекловни киритиш тизимини жорий қилиш” белгилаб қўйилган. Шаффоф қурилиш платформасида ҳар бир лот алоҳида рақамлар (кодлар) билан кўрсатилиши белгиланди. Молия вазирлигига вазирликнинг 15.07.2022й.  18-07/8169-сонли хати юборилган.

Объектларда қурилиш-таъмирлаш ишлари учун бош пудрат ташкилотларини аниқлаш бўйича тендер савдолари Ўзбекистон Республикаси Вазирлар Маҳкамасининг 2022 йил 31 январдаги 46-сонли «Қурилиш соҳасида электрон давлат харидларини ташкил этиш ва амалга ошириш тартибини такомиллаштириш чора-тадбирлари тўғрисида»ги қарорига мувофиқ, инсон омилисиз электрон платформа томонидан мустақил тарзда, соҳавий рейтинг асосида тегишли вазирлик ва идораларнинг маълумотлар базаси билан интеграция қилинган ҳолда амалга оширилиб келинмоқда.

Унга кўра, тендер савдолари «Шаффоф қурилиш» миллий ахборот тизимининг платформасида он-лайн кўринишда электрон кўринишда ва инсон омилисиз амалга оширилиб келинмоқда.

Давлат харидлари махсус ахборот порталида маълумотларни қидириш ва тизимлаштириш имкониятлари tender.mc.uz платформасида яратилган.

Давлат назоратини амалга оширвчи органларга тизим оператори (Шаффоф қурилиш) томонидан платформада ўтказилган тендер савдоларини давлат харидлари соҳасида қонунчилик талабларига риоя этилаётганлини масофавий ўрганиш мақсадида назорат қилувчи орган ходимларига шахсан (паспорт маълумотларига асосан) бириктирилган логин, пароллар тақдим этилган.

Электрон платформага назорат қилувчи орган ходими кирганда ўтказилган тендер савдоси бўйича иштирокчиларнинг рейтинг баллари, умумий тендер савдосида олган балларини, рейтинг шаклланишидаги мезонлар бўйича берилган балларини кўриш имконияти яратилган.

2021 йилнинг апрел ойида Ўзекистон Республикаси Коррупцияга қарши курашиш агентлиги билан Бош прокуратура Академияси томонидан комплаенс-назорат ходимлари учун ташкил этилган ўқув курсида вазирлик комплаенс-назорат мутахассислари малака оширдилар.

Бундан ташқари, Қурилиш соҳасидаги назорат инспекцияси томонидан коррупцияга қарши курашиш бўйича қуйидаги ишлар амалга оширилди:
Ўзбекистон Республикаси Президентининг 2019 йил 20 сентябрдаги “Қурилиш соҳасига ахборот-коммуникация технологияларини кенг жорий этиш чора-тадбирлари тўғрисида”ги ПҚ-4464-сонли қароридан келиб чиқиб, қурилиш Объектларини назорат қилиш жараёнларида коррупция омилларини камайтириш ва шу жараёнларнинг шаффофлигини таъминлаш учун, Комплаенс хизмати, Ўзбекистон Республикаси Қурилиш вазирлиги ҳузурида Қурилиш соҳасида ахборот-коммуникация технологияларини ривожлантириш маркази билан ҳамкорликда «Шаффоф қурилиш» миллий ахборот тизимининг “Қурилишдаги назорат” қуйи тизими ишлаб чиқилди ва 2021 йилдан қурилиш сифатини назорат қилиш бўйича реал вақт режимида бутун республика ҳудудига жорий қилинди.

Объектларда қурилиш-монтаж ишларини назорат қилишда инспекторлар 266 та замонавий планшет қурилмалари билан таъминланди.

Ҳозирда “Қурилишдаги назорат” тизими орқали Республика бўйича 32800 нафар фойдаланувчи назорат фаолиятини юритмоқда. Булар: 13400 та буюртмачиларнинг техник назоратчилари, 4400 та муаллифлик назорати, 15000 та пудратчиларнинг ички назоратчилари ва инспекторлар.

Бугунги кунда буюртмачи, лойиҳачи ва пудрат ташкилотлари томонидан қурилиш Объектларида 51800 та қоидабузарлик аниқланди ва тизимга фотофактлари билан киритилди.

“Қурилиш назорати” тизими тўлиқ жорий этилиши натижасида назорат жараёнидаги инсон омили кескин қисқариши кутилмоқда, яъни аниқланган қоидабузарликлар юзасидан расмийлаштириладиган ҳужжатлар онлайн тизимда бўлиб, инспектор, техник назоратчи, муаллифлик назорати ва пудратчилар ўртасидаги ҳужжат алмашуви масофадан амалга оширилади, ҳамда мазкур ҳаракатлар Объект, туман ва вилоятлар кесимида масофадан туриб назорат қилинади.

Комплаенс хизмати ходимлари ўтказган ўрганиш тадбирлари натижасида 2020 йил декабрь ойида 1605 та объектда (жами келиб тушган хабарномаларнинг 52,1% ни ташкил этади) буюртмачилар ҳудудий инспекцияларини хабардор қилмасдан, қурилиш-монтаж ишларини бошлаб юборгани аниқланди.

2021 йил 1 ярим йиллик даврида эса, Қурилиш соҳасида ҳудудий назорат инспекцияларга 8161 та қурилиш-монтаж ишларини бошлаш тўғрисида хабарномалар юборилган бўлиб, ўтказган ўрганиш тадбирлари натижасида 3974 та Объектда (жами келиб тушган хабаномаларнинг 48,7 % ни ташкил этади) буюртмачилар ҳудудий инспекцияларини хабардор қилмасдан, қурилиш-монтаж ишларини бошлаб юборгани аниқланди.

Қурилиш ишларини бошлаш тўғрисида ҳудудий инспекцияларига келиб тушган хабарномалар бўйича ўтказилган ўрганиш ишлари натижасида, Комплаенс хизмати ходимлари томонидан республика бўйича ўтган давр мобайнида жами 8161-та эҳтимолий коррупцион ҳолат олди олинди ва аниқланган қонун бузилиш ҳолатлари бўйича маълумотлар Ҳудудий инспекция раҳбарларига тақдим этилиб, Объект буюртмачиларига нисбаттан маъмурий жавобгарлик тўғрисида баённомалар тузиш ва биноларнинг қуриб қўйилган қисми бўйича инструментал техник кўрикдан ўтказиш бўйича кўрсатмалар берилди ва Инспекциянинг Қурилиш-монтаж ишлари устидан назорат бўлимига мазкур ишларни назоратга олиш бўйича топшириқлар берилди.

2020 йил декабрь ойи давомида Қурилиш соҳасида ҳудудий назорат инспекцияларга 1730 та қурилиши тугалланган Объектларни фойдаланишга қабул қилиш бўйича мурожаатлар келиб тушган.

Инспекторлар, Комплаенс хизмати ходимлари назорати остида ўтказилган ўрганиш ишлари натижасида 1241 та Объект (71,7%) фойдаланишга тайёр ҳолда эмаслиги маълум бўлди, бу ерда 481 та Объектда (27,8%) ижро ҳужжатлари юритилмаган ва синов ишлари амалга оширилмаган, ҳамда 760 та Объектда (43,9%) қурилиш-монтаж ишлари якунига етказилмаган.
2021 йил 1 ярим йиллик даврида, Қурилиш сохасида ҳудудий назорат инспекцияларга 7833 та қурилиши тугалланган Объектларни фойдаланишга қабул қилиш бўйича мурожаатлар келиб тушган.

Инспекторлар, Комплаенс хизмати ходимлари назорати остида ўтказилган ўрганиш ишлари натижасида 2928 та Объект (37,4%) фойдаланишга тайёр ҳолда эмаслиги маълум бўлди, бу ерда 2428 та Объектда (31,0%) ижро ҳужжатлари юритилмаган ва синов ишлари амалга оширилмаган, хамда 5356 та Объектда (68,4%) қурилиш-монтаж ишлари якунига етказилмаган.
Комплаенс хизмати томонидан амалга оширилган ўрганиш ва тадбирлар натижасида иш жараёнида йўл қўйилган қонунбузилиш ҳолатлари бўйича республика бўйича 43 Ҳудудий инспекция ходимларига интизомий чоралар кўрилди.

Ўзбекистон Республикаси Президентининг 2019 йил 20 сентябрдаги ПҚ-4464-сон ҳамда Ўзбекистон Республикаси Вазирлар Маҳкамасининг 2020 йил 8 февралдаги 69-сон қарорларига мувофиқ Қурилиш соҳасида ахборот-коммуникация технологияларини ривожлантириш марказининг ходимлар умумий чекланган сони 25 нафардан иборат бўлган тузилмаси тасдиқланиб, иш фаолиятини бошлади.

Ташкил этилган Марказ томонидан “Шаффоф қурилиш” миллий ахборот тизими доирасида қуйидаги ахборот тизимлар ишлаб чиқилиб,

– “Қурилиш сифат назорати” ахборот тизими;
– “Лойиҳа-смета ҳужжатлари экспертизаси” ахборот тизими;
– “Лойиҳа-смета ҳужжатлари экспертиза хулосалари” электрон реестри;
– “Инвестиция дастуридаги объектлар қурилиши мониторинги” ахборот-таҳлилий тизими;
– “Қурилиш соҳасида давлат хизматлари” платформаси.

“Шаффоф қурилиш” миллий ахборот тизими доирасида ишлаб чиқилган ахборот тизимларни республикани барча ҳудудларида 2021 йил 1 январ кунидан реал вақт режимида тўлиқ ишга тушириш мақсадида Ўзбекистон Республикаси Вазирлар Маҳкамасининг 2020 йил 19 ноябрдаги “Қурилиш соҳасида ахборот тизими ва географик ахборот технологияларини янада ривожлантириш чора-тадбирлари тўғрисида”ги 732-сон қарори қабул қилинди.

Мазкур қарор билан “Шаффоф қурилиш” миллий ахборот тизими тўғрисида Низом, шунингдек, уни босқичма босқич республиканинг барча ҳудудларида жорий этиш ва бошқа давлат органлари ахборот тизимлари ва маълумотлар базалари билан интеграциялашуви бўйича “Йўл харитаси” тасдиқланди.

“Шаффоф қурилиш” миллий ахборот тизимидан фойдаланиш бўйича Қурилиш вазирлиги ва унинг ҳудудий бўлинмалари ходимлари, Қурилиш соҳасида назорат қилиш инспекциясининг инспекторлари, “Шаҳарсозлик ҳужжатлари экспертизаси” ДУК ходимлари, шунингдек, қурилиш-пудрат, Ягона инжиниринг буюртмачи компаниялар ва бошқа ташкилотлар учун махсус ўқув-машғулотлар ўтказилди.

“Шаффоф қурилиш” миллий ахборот тизими доирасида ишлаб чиқилган ахборот тизимлари бошқа давлат органлари ахборот тизимлари ва маълумотлар базалари билан интеграциялашуви амалга оширилди.

Амалга оширилган ишлар натижасида “Шаффоф қурилиш” миллий ахборот тизими доирасида ишлаб чиқилган ахборот тизимлар 2020 йил 20 декабрда жорий этилди ва 2021 йил 1 январ кунидан республиканинг барча ҳудудларида ишлаши таъминланди.

Шу билан бирга, Қурилиш соҳасида лойиҳа-қидирув ва қурилиш-пудрат ташкилотлари фаолияти самарадорлигини ҳамда натижадорлигини ошириш, улар ўртасида соғлом рақобат муҳитини шакллантириш, қурилиш-монтаж ишлари сифатини яхшилаш мақсадида Ўзбекистон Республикаси Вазирлар Маҳкамасининг 2020 йил 9 ноябрдаги “Лойиҳа-қидирув ва қурилиш-пудрат ташкилотлари рейтингини ҳисоблаш ва юритиш тартибини жорий этиш чора-тадбирлари тўғрисида”ги 699-сон қарорига мувофиқ “Қурилиш пудрат ташкилотлар рейтинги” ахборот платформаси ишлаб чиқилди.

“Шаффоф қурилиш” миллий ахборот тизимини ишга туширилиши натижасида қурилиш соҳасида:
– барча давлат хизматлари тўлиқ рақамлаштирилади;
– ҳужжатлар электрон шаклда келишилади ва қоғоз ҳужжатлар айланмаси бутунлай истисно этилади;
– ҳужжатларни келишишда вақт, маблағ ва инсон ресурслари тежалади;
– электрон рақамли имзо ёрдамида ҳужжат ҳамда имзоловчининг шахси тасдиқланади;
– инвестиция дастуридаги қурилиш объектларининг ҳолати реал вақт режимида кузатиб борилади;
– қурилиш объектларида назорат жараёнлари автоматлаштирилади ҳамда рақамлаштирилади;
– барча зарурий жадваллар ва маълумотлар автоматик тарзда шакллантирилади;
– ягона маълумотлар базаси шакллантирилади ва идоралараро маълумот алмашуви таъминланади;
– қурилиш соҳасида ишбилармонлик муҳитни шакллантириш, тўсқинлик қилаётган тизимли муаммоларни ўз вақтида аниқлаш, қурилиш соҳасида коррупция ва бюрократик тўсиқларни бартараф этиш, қурилиш жараёнларининг барча босқичида жамоатчилик учун шаффофлик таъминланади.

Қурилиш вазирлигининг 2019 йил 16 октабрдаги 7856/09-07–сонли хати билан Адлия вазирлигига шаҳарсозликни тартибга солувчи 21 та норматив-техник ҳужжатлар (ШНК) коррупцияга қарши экспертизадан ўтказиш учун киритилиб, 2019 йил 27 ноябрда 6-15/4-6/17039-сонли хат билан 21та ШНКга хулоса олинди. Ўзбекистон Республикаси Президентининг 2020 йил 13 мартдаги  ПФ-5963-сонли Фармонига  биноан, Қурилиш вазирлиги қошида “Қурилишда техник меъёрлаш Маркази” ташкил этилди ва ушбу Марказга барча норматив ҳужжатларни қайта ишлаш, хорижий давлатлар стандартлари билан миллий нормаларни уйғунлаштириш вазифаси юклатилди. Ўзбекистон Республикаси Қурилиш вазирлигининг 2020 йил 14 майдаги 138-сонли буйруғи билан 2020-2023 йилларда шаҳарсозлик фаолияти соҳасида техник жиҳатдан тартибга солишга доир миллий норматив ҳужжатларни ишлаб чиқиш ва қайта кўриб чиқиш дастури тасдиқланди.

Соҳада коррупцияни олдини олишда кадрлар масаласи ўта муҳимлигини инобатга олиб, бўш иш ўринларига номзодларни ишга қабул қилишда шаффофликни таъминлаш мақсадида, қадрларни танлов асосида ишга қабул қилиш, суҳбат жараёнларини онлайн режимда кузатиб бориш амалиётини йўлга қўйилди.

Маълумки, коррупцияни олдини олишда энг таъсирчан механизмлардан бири бу соҳани рақамлаштириш орқали инсон омилини чеклашдир. Шундан келиб чиққан ҳолда қурилиш соҳасига ахборот-коммуникация технологияларини кенг жорий этиш бугунги кундаги ислоҳотларимизнинг энг муҳим йўналишига айланган.

Шунингдек, ҳозирда капитал қурилиш соҳасига оид 20 га яқин норматив-ҳуқуқий ҳамда 400 га яқин шаҳарсозлик нормалари ва қоидаларини (ШНК) инвентаризация қилиш ва уларда коррупцияга оид ҳолатларни келтириб чиқарувчи омилларни аниқлаш мақсадида тегишли тартибда экспертизадан ўтказилмоқда.

Sohadagi barcha ishlarimizni tartibga soluvchi asosiy mezon bu huquqiy hujjatlar ekanini inobatga olsak, bu borada ishlab chiqilgan normativ-huquqiy hujjatlarga alohida to‘xtalib o‘tsam.

Vazirlar Mahkamasining “Loyiha-qidiruv va qurilish-pudrat tashkilotlari reytingini hisoblash va yuritish tartibini joriy etish chora-tadbirlari to‘g‘risida” 2020 yil 9 noyabrdagi 699-son qarori qabul qilindi. Vazirlikda Loyiha-qidiruv va qurilish-pudrat tashkilotlari reytingini hisoblash va yuritish bo‘limi tashkil etilib, mazkur yo‘nalishdagi barcha ishlarimiz raqamlashdi.

Prezidentimizning “O‘zbekiston Respublikasi qurilish tarmog‘ini modernizatsiya qilish, jadal va innovatsion rivojlantirishning 2021-2025 yillarga mo‘ljallangan strategiyasini tasdiqlash to‘g‘risida” 2020 yil 27 noyabrdagi PF-6119-son Farmoni imzolanib, «Shaffof qurilish» milliy axborot tizimi bilan idoralararo elektron hamkorlikni va qurilish jarayonining barcha bosqichlarini raqamlashtirishni tashkil qilish maqsadida Vazirlar Mahkamasining “Qurilish sohasida axborot tizimi va geografik axborot texnologiyalarini yanada rivojlantirish chora-tadbirlari to‘g‘risida” 2020 yil 19 noyabrdagi 732-son qarori qabul qilindi.

So‘nggi yillarda qurilishlarda tanlov savdolari, ya’ni tenderlar deyarli o‘tkazilmagani Prezidentimiz tomonidan keskin tanqid qilinganidan kelib chiqib, bu boradagi ishlarimizni isloh qilishni jadallashtirganmiz.

Hozirda tizimga respublikamiz bo‘yicha jami 16 000 dan ziyod qurilish obyektlari kiritilgan va nazorat ishlari to‘liq elektron tizim orqali amalga oshirilmoqda.

2021 yil 19 apreldagi “O‘zbekiston Respublikasi Qurilish vazirligi markaziy apparati va tizim tashkilotlari faoliyati samaradorligini oshirish hamda ijro intizomini mustahkamlash chora-tadbirlari to‘g‘risida”gi 5/36-son buyruq bilan vazirlik markaziy apparatida Ichki audit va komplayens-nazorat boshqarmasi tashkil etildi.

O‘zbekiston Respublikasi Prezidentining “Korrupsiyaga qarshi murosasiz munosabatda bo‘lish muhitini yaratish, davlat va jamiyat boshqaruvida korrupsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari to‘g‘risida” 2021 yil 6 iyuldagi PF-6257-son Farmonida belgilangan vazifalarni amalga oshirish maqsadida vazirlikning 2021 yil 23 iyuldagi 145-son buyrug‘i hamda O‘zbekiston Respublikasi Prezidentining “Korrupsiyaga qarshi kurashish faoliyatini samarali tashkil etishga doir qo‘shimcha chora-tadbirlar to‘g‘risida” 2021 yil 6 iyuldagi PQ-5177-son qarorida belgilangan vazifalarni amalga oshirish maqsadida, 2021 yil 23 iyuldagi 146-son buyrug‘i “O‘zbekiston Respublikasi Prezidentining “Korrupsiyaga qarshi murosasiz munosabatda bo‘lish muhitini yaratish, davlat va jamiyat boshqaruvida korrupsiyaviy omillarni keskin kamaytirish va bunda jamoatchilik ishtirokini kengaytirish chora tadbirlari to‘g‘risida”gi 2021 yil 6 iyuldagi PF-6257-son Farmoni hamda “Korrupsiyaga qarshi kurashish faoliyatini samarali tashkil etishga doir qo‘shimcha chora-tadbirlar to‘g‘risida” 2021 yil 6-iyuldagi PQ-5177-son qarorida belgilangan vazifalarni amalga oshirish yuzasidan nazorat rejasi” tasdiqlandi.

Qurilish vazirligining 2021 yil 23 iyuldagi “O‘zbekiston Respublikasi Prezidentining 2021 yil 6 iyuldagi PQ-5177-son qarori ijrosi to‘g‘risida”gi 146-son buyrug‘i 2-bandi b-kichik bandi bilan 2021 yil 1 sentabrga qadar Qurilish vazirligi va tarkibiy tuzilmalarida shtat birliklari doirasida korrupsiyaga qarshi komplayens nazorat tuzilmalari faoliyatini yo‘lga qo‘yish belgilangan ushbu topshiriq ijrosi yuzasidan amaliy choralar ko‘rilmoqda.

Соҳадаги барча ишларимизни тартибга солувчи асосий мезон бу ҳуқуқий ҳужжатлар эканини инобатга олсак, бу борада ишлаб чиқилган норматив-ҳуқуқий ҳужжатларга алоҳида тўхталиб ўтсам.

Вазирлар Маҳкамасининг “Лойиҳа-қидирув ва қурилиш-пудрат ташкилотлари рейтингини ҳисоблаш ва юритиш тартибини жорий этиш чора-тадбирлари тўғрисида” 2020 йил 9 ноябрдаги 699-сон қарори қабул қилинди. Вазирликда Лойиҳа-қидирув ва қурилиш-пудрат ташкилотлари рейтингини ҳисоблаш ва юритиш бўлими ташкил этилиб, мазкур йўналишдаги барча ишларимиз рақамлашди.

Президентимизнинг “Ўзбекистон Республикаси қурилиш тармоғини модернизация қилиш, жадал ва инновацион ривожлантиришнинг 2021-2025 йилларга мўлжалланган стратегиясини тасдиқлаш тўғрисида” 2020 йил 27 ноябрдаги ПФ-6119-сон Фармони имзоланиб, «Шаффоф қурилиш» миллий ахборот тизими билан идоралараро электрон ҳамкорликни ва қурилиш жараёнининг барча босқичларини рақамлаштиришни ташкил қилиш мақсадида Вазирлар Маҳкамасининг “Қурилиш соҳасида ахборот тизими ва географик ахборот технологияларини янада ривожлантириш чора-тадбирлари тўғрисида” 2020 йил 19 ноябрдаги 732-сон қарори қабул қилинди.

Сўнгги йилларда қурилишларда танлов савдолари, яъни тендерлар деярли ўтказилмагани Президентимиз томонидан кескин танқид қилинганидан келиб чиқиб, бу борадаги ишларимизни ислоҳ қилишни жадаллаштирганмиз.

Ҳозирда тизимга республикамиз бўйича жами 16 000 дан зиёд қурилиш объектлари киритилган ва назорат ишлари тўлиқ электрон тизим орқали амалга оширилмоқда.

2021 йил 19 апрелдаги “Ўзбекистон Республикаси Қурилиш вазирлиги марказий аппарати ва тизим ташкилотлари фаолияти самарадорлигини ошириш ҳамда ижро интизомини мустаҳкамлаш чора-тадбирлари тўғрисида”ги 5/36-сон буйруқ билан вазирлик марказий аппаратида Ички аудит ва комплаенс-назорат бошқармаси ташкил этилди.

Ўзбекистон Республикаси Президентининг “Коррупцияга қарши муросасиз муносабатда бўлиш муҳитини яратиш, давлат ва жамият бошқарувида коррупциявий омилларни кескин камайтириш ва бунда жамоатчилик иштирокини кенгайтириш чора-тадбирлари тўғрисида” 2021 йил 6 июлдаги ПФ-6257-сон Фармонида белгиланган вазифаларни амалга ошириш мақсадида вазирликнинг 2021 йил 23 июлдаги 145-сон буйруғи ҳамда Ўзбекистон Республикаси Президентининг “Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида” 2021 йил 6 июлдаги ПҚ-5177-сон қарорида белгиланган вазифаларни амалга ошириш мақсадида, 2021 йил 23 июлдаги 146-сон буйруғи “Ўзбекистон Республикаси Президентининг “Коррупцияга қарши муросасиз муносабатда бўлиш муҳитини яратиш, давлат ва жамият бошқарувида коррупциявий омилларни кескин камайтириш ва бунда жамоатчилик иштирокини кенгайтириш чора тадбирлари тўғрисида”ги 2021 йил 6 июлдаги ПФ-6257-сон Фармони ҳамда “Коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисида” 2021 йил 6-июлдаги ПҚ-5177-сон қарорида белгиланган вазифаларни амалга ошириш юзасидан назорат режаси” тасдиқланди.

Қурилиш вазирлигининг 2021 йил 23 июлдаги “Ўзбекистон Республикаси Президентининг 2021 йил 6 июлдаги ПҚ-5177-сон қарори ижроси тўғрисида”ги 146-сон буйруғи 2-банди б-кичик банди билан 2021 йил 1 сентябрга қадар Қурилиш вазирлиги ва таркибий тузилмаларида штат бирликлари доирасида коррупцияга қарши комплаенс назорат тузилмалари фаолиятини йўлга қўйиш белгиланган ушбу топшириқ ижроси юзасидан амалий чоралар кўрилмоқда.