Toshkent arxitektura qurilish institutiga Belorus milliy texnika universiteti rektori Xaritonchik Sergey Vasilevich boshchiligidagi delegatsiya tashrif buyurdi

🔸Kuni kecha Toshkent arxitektura qurilish institutiga Belorus milliy texnika universiteti rektori Xaritonchik Sergey Vasilevich boshchiligidagi delegatsiya tashrif buyurdi.

🔸Tashrif davomida oliy ta’lim muassasalarining o‘zaro hamkorlikdagi Qo‘shma ta’lim dasturi doirasida tahsil olayotgan va 2021-2022 o‘quv yilidan boshlab o‘qishlarini Belorus milliy universitetida davom ettirishlari lozim bo‘lgan talabalar hamda ularning ota-onalari bilan uchrashuv tashkil etildi.

🔸Uchrashuvda ta’lim muassasasi vakillari o‘rtasida kelajakdagi rejalar muhokama qilindi. BMTU rektori S.B.Xaritonchik hamda Xalqaro hamkorlik boshqarmasi boshlig‘i P.I.Shirvellarga hamkorlik aloqalarini rivojlantirishga qo‘shgan hissalari uchun esdalik sovg‘alari taqdim qilindi.