JARAYON

🟢 Vazir oʻrinbosari Ozoda Joʻrayeva “Areba klass” xizmat koʻrsatadigan koʻp qavatli uylar holati bilan ham tanishdi. Xususan, “Koʻhna Choʻponota” mahallasida joylashgan 7-son koʻp qavatli uyda amalga oshirilayotgan obodonlashtirish ishlari bilan tanishdi.10 yildan buyon egasiz boʻlib kelgan mazkur koʻp qavatli uy boshqaruv kompaniyasiga oʻtganiga 4 kun boʻlgan boʻlsa-da, uyning atrofi va kirish yoʻlaklarini tartibga keltirish boʻyicha sezilarli ishlar amalga oshirilgan. Joriy yilning birinchi yarim yilligida uyning barcha kirish yoʻlaklari ta’mirlanishi koʻzda tutilgan.

⏺Shuningdek, “Bogʻobod” mahallasi 17-son uyning kirish yoʻlaklari va yertoʻla qismlarida amalga oshirilayotgan ta’mirlash ishlari oʻrganildi.

✅ Ozoda Joʻrayeva aholi vakillari bilan uchrashib, ularning sohada amalga oshirilayotgan islohotlarga boʻlgan munosabati bilan qiziqdi.
– 20 yildan buyon shu uylarda istiqomat qilamiz. Bunday oʻzgarishlarni endi koʻryapmiz. Uylarimiz obod boʻlmoqda, e’tibor uchun rahmat, – dedi onaxon.
Vazir oʻrinbosari koʻp qavatli uylarning issiqlik tizimini yaxshilash boʻyicha BSKlar tomonidan amalga oshirilishi rejalashtirilayotgan loyihalar bilan tanishdi. Mas’ullarga zarur tavsiya va topshiriqlar berildi.