ХАЛҚАРО ҲАМКОРЛИК
➖Ўзбекистон ва Финляндия
?Муносабатларимиз нафақат иқтисодий ижтимоий балки, маданий гуманитар соҳаларда ҳам янги мазмун моҳият билан бойиб бормоқда. Финляндиянинг мамлакатимиздаги элчиси ва ушбу мамлакат қурилиш индустриясидаги нуфузли компаниялар вакиллари иштирокидаги учрашувда ҳам бу фикрлар яна бир бор янгради.
?Қурилиш вазирлигида бўлиб ўтган учрашувда дастлаб юртимизда бунёдкорлик соҳасида олиб борилаётган истиқболли режалар, амалий ишлар ҳақида маълумот берилди. Ўз навбатида меҳмонлар ҳам қурилиш ва қурилиш материаллари ишлаб чиқариш соҳасида ҳамкорлик қилишдан манфаатдор эканликларини мамнуният билан қайд этдилар.
?Хусусан, ўтган йиллар давомида мамлакатларнинг дўстона ҳамкорликни ривожлантиришда салмоқли муваффақиятларга эришгани алоҳида таъкидланди.
?“Ўзбекистон-Финляндия халқаро бизнес форуми” доирасида бўлиб ўтган ушбу учрашувда алоқаларнинг манзил ва муддатлари белгиланди. Ушбу нуфузли компаниялар Россия, Болтиқбўйи давлатлари, Швеция ва Европа мамлакатларида қурилиш соҳасида фаолият юритиб келмоқда.
?Музокараларда қурилишда энергосамарадор технлогияларни амалиётга татбиқ этиш борасидаги энг илғор технологиялар тақдимот қилинди. Шунингдек, бино ва иншоотларга лифт қурилмаларни ўрнатиш бўйича Финляндияда еткачи бўлган компаниялар билан ҳамкорлик қилишга келишиб олинди.
✅Эслатиб ўтамиз, ушбу форумда етакчи фин компаниялари, хусусан, Nokia, Finish Water, Reka Cables, Honka, Kone, Suokone каби 30 дан ортиқ компания раҳбарлари ва вакилларининг иштирок этиши кутилмоқда. Шунингдек, мазкур нуфузли тадбирда Финляндиянинг ХАМК амалий фанлар университети вакилларининг ҳам иштирок этиши белгиланган.
?Мақсад, фин компаниялари билан маҳаллий бизнес вакилларининг V2V, B2G учрашувларини ташкил этиш, ўзаро ҳамкорлик шартномаларини имзолаш ва келажакда истиқболли лойиҳалар бўйича алоқаларни ўрнатишдан иборатдир.
